مقارنة بين اغاني افلام الزمن الجميل
اغنية كان يا ماكان للمرحوم الرائع عبد المنعم مدبولي
وبين الصايع محمد رمضان واغنية الواد الجن واديك فى السقف تمحر
تفتكروا ايه السبب فى انحدار مستوي الفن لهذا المستوي من الاسفاف والقذاره
عرض للطباعة
مقارنة بين اغاني افلام الزمن الجميل
اغنية كان يا ماكان للمرحوم الرائع عبد المنعم مدبولي
وبين الصايع محمد رمضان واغنية الواد الجن واديك فى السقف تمحر
تفتكروا ايه السبب فى انحدار مستوي الفن لهذا المستوي من الاسفاف والقذاره
الانفلات الاخلاقي والجهل وسوء التربية والتعليم وأخيرا الاعلام
ونفسي افهم يعني ايه اديك في السقف تمحر ؟
انا بصراحة محتار يا تري الاعلام هو اللي بوظ اخلاق الناس ولا الناس اخلاقهم بقت زبالة فالاعلام بيقدم لهم اللي هما عايزينه !!!!
فكرتني .. من يومين كده كنت بنضف العربية لاقيت العيال ولاد جيرانا عيال صغيرة كده اعمارهم من 8 لـ 13 سنة قاعدين مشغلين الاغنية دى وبيغنوها
الاعلام الملعون
وكمان بيقول اديك في الحاره سجاره ايه الهطل ده اجيب واد اقوله ايه اللي عجبك يقولي مش عارف بس ل اللي اعرفه يسمعو اللي اغنيه ديه البلد اتهبلت
إعلان فيلم مستفز جدا و أغنية زبالة بتعصبني جدا و شكل السوالف إللي عامله :untitled 1:
مفروض يكون في دور للمدرسة لإن الولاد هيتباهو بتقليد الصياعة دي:33: ..... و كمان وسائل الإعلام عليها دور مش كله سياسة x سياسة ....
معقولة هذه النوعية من الافلام حيجي وقت الشباب اللي معجبين بيها دلوقت يفتكروها لما يكبروا ويقولوا عليها ايام الزمن الجميل , يا نهار اسود دي تبقي مصيبة
لان الفن معدش ليه رساله يوصلها ولم يعد هناك دور للنقابه وبقى اي جربوع شمام بيطلع يغني ويركب هامر واللي بيدفع التمن هو المتلقي....
بنفتح التلفزيون نلاقيهم.. راديو تلاقي.. نت مش هتقدر تهرب منهم.. شارع.. قهوة.. كل مكان....
كرهنا الفن والمزيكا بسبب شوية حشرات....
تحياتي
Sent from my Xperia Arc S using Forum Runner
لا يوجد علم
لا يوجد ثقافه
لا توجد تربيه
لا يوجد فكر
ده عباره عن تلوث
مش الرقابه بتقبض
يبقى عدى يامعلم ماهو شعب جاهل من يومه محدش واخد باله
وعشان السبكى ميبقاش حارم الناس من حاجه بالنهار لحمه وباليل برده لحمه بس لحمه تانيه خااااالص (:
النفس أماره بالسوء وانت سايب المجتمع على هواه وحط فى اعتبارك الجهل اللى احنا فيه
يبقى النتيجه ايه ..... سقف ومحر ويقوللك انا رجوله وسوالف شكلها يقرف والمطوه فى جيبه فى كل فيلم ويقوللك وثقه فى الله هاكسب هههههههه ده صايع هههههههههه
انا ما بيجننيش غير اللى يتفرج على حاجه زى كده ومعجب بيها اوى اموت واعرف ايه الحلو فيه؟؟؟؟؟ ده قدوه مثلا طب ده ينفع يبقى مثل اعلى هههههههههههههههههههيانهار اسود يا جدعان ده احنا هانشوف ايام عجب
كلمة السر: السبكي للانتاج القذر والدعارة المقننة.
اللي شاف او سمع او عرف ابنه عمل ايه في فرحه مش هيستغرب من انتاجه للنوعية ده من الافلام.
لو الناس تقاطع افلامه هيتخرب بيته ويتعلم الادب. بس للاسف بيتعامل مع شريحة معينة من الناس شايفه ان ده مثال وقدوة.
اللي انا مش فاهمه بجد
ازاي حاجه هابطه زي دي تنتشر و بين طبقات المفروض انها عاليه في المجتمع
يعني انا اقدر افهم ان حاجه زي دي نتنشر في العشوائيات و كده
لكن انها توصل و تعجب ناس واعيه و متعلمه و احيانا مثقفه ده اللي مش فاهمه
المشكله بجد في الاطفال
لان الاغاني دي ايقاعها بيعجبهم بعض النظر عن الكلام و مضمونه و تلاقي العيل من دول معجب بالاغاني دي و مشغلها و بيغنيها و غالبا يبيقي مش فاهم معني الكلام و دي مصيبه لان زوقه بيتمحور و يتكون حوالين القرف ده
و انا مش بلوم علي السبكي و امثاله
هما في الاخر تجار و يهمهم المكسب
و محدش بيضرب حد علي ايده عشان يدخل فيلم معين او ميدخلوش
و ما شاء الله الفيلم بيقولوا حقق مكاسب خرافيه
يعني العيب في الناس مش في المنتج
مهو لو نوعيه الافلام دي خسرت مش هيعملها تاني
ده غير ان الناس اصلا بقت بتشجع ثقافه البلطجه و قله الادب و ده راجع بشكل اساسي لغياب القانون
و بقي الكل عامل نفسه سبع الرجال و بيعلي صوته و يمد ايده بلازمه و من غير و فاكر انه كده تمام
و بقي المؤدب و المحترم حقه مهدور
فلازم امثال البطل ده تلاقي الاعجاب و الرضي من ناس كتير
لانه غالبا بيحقق اللي هما ميقدروش يعملوه و اللي الكل بيتمني انه يعمله للاسف
فالازمه في الاساس ازمة قانون و عدل و تعليم و تربيه و اخلاق و قبلهم دين
يعني من الاخر ازمه في الانسانيه كلها
لان العوامل دي هي اللي بتفرق بين الانسان و الحيوانات ولا مؤاخذه
بلد زبالةحسبى الله و نعم الوكيل
الواحد بيتفرج على افلام الثمانينات بيحس ان مصر فعلا كانت نظيفة و الشوارع رايقة و منظمة
كل مدى البلد فى انحطاط فى جميع المجاااااااالات
السبكى ده بلوه سودا كل افلامه اسفاف وقله أدب
الاعلام
بيعمل حاجة اسمها شيوع الفاحشة
اصل نفور عوام الناس من اغلب الحاجات مش انها حرام , لكن انها (عيب) بينهم و بين بعض
اللي بيعمله الوسط الفني عموما انه بيعلي سقف العيب ده حتة حتة , طبعا هو سقف العيب بتاعه كوسط اعلى من بتاع عموم المجتمع بمراحل , بيبدأ يعرض مواد في اعلامه اعلى من سقف العيب بتاع عموم المجتمع حتة , و بعدها بفترة لما يكون سقف المجتمع علي معاه يعليها حتة كمان , و هكذا
اي حد متابع و ملاحظ هيلاقي دايما الحاجات المقرفة اللي بتطلع اعلاميا بتبقى عادة حاجة محصورة في فئة ضيقة و اللي هو بيعمله انه بيفرشها في المجتمع كله بإنه يقدمها كpackage مع قيمة كويسة , و كل مرة اللعبة دي بتنفع عادي
من ايااااااااااااام خلي بالك من زوزو اللي كانت فيه الرقاصة واحدة شغلتها كده و المجتمع ظلمها
الثقافة ومستوي الفكر
هو الي بيحدد
بادعوكم لقراءة الموضوع ده
http://www.nilemotors.net/Nile/345128-a.html
مع احترامي ليك دا تفكير متطرف مش واقعي ,لانك بتحاول تصور ان الاعلاميين كلهم هدفهم واحد وزي ما يكون قاعدين وبيخططوا مع بعض علشان يشيعوا الفاحشة فى المجتمع , علي اساس انهم مش جزء من المجتمع , في من الاعلاميين ناس هدفها المال فقط ولكن فى ناس هدفها توعية الناس وتقديم شئ جيد يتذكره الاجيال .
بناء علي تحليلك وخصوصا نقطة خلي بالك من زوزو وكمان المقال اللي حضرتك حطيت اللينك بتاعه لكاتب اول مره فى حياتي اسمع عنه , اكاد اجزم ان حضرتك اسلامي صرف ولا تري فى الفن سوي العهر والفاحشة وايضا دا حال نفس الكاتب اللي كاتب المقال اللي ملئ بالايحاءات الداخلية المتطرفة لتشويه كل شئ متعلق بالفن .
وانا اري في هذه الكاتب انه لا يختلف كثيرا عن عائلة السبكي فالسبكي تاجر يريد المال ويشوه الفن , وهذا الكاتب اسلامي متطرف يشوه كل شئ متعلق بالفن باسلوب الخداع ودس الثم فى العسل وتصوير ان الفن كله حرام وخسيس , كلامهما يدمرون الفن .
من يوم ما المدرس بقى يفتح ايده للطالب عشان يقبضه ومبقاش فيه ولا تعليم ولا تربيه.
سيبنا من الكاتب المغمور خالص , انا عموما دعيت في اول الموضوع لتجاهل ايديولوجيته و التركيز في التكنيك اللي هو اتكلم عنه بس حيث انك ما قدرتش فكأنك ما قريتوش لأنك غير مخاطب بالمقال ده كده :)
ممكن كلامي يكون بالنسبة لك - مع احترامي لك - متطرف , لكن في النهاية انا تجردت من الايديولوجيا و انا باكتب كده :)
انا حتى ما عممتش زي ما بتقول , و ان كنت فعلا باعتبر ده وسط حقير و منحل الا من رحم ربي :)
قاعدين و بيخططوا ليشيعوا الفاحشة , هي مش بطريقة قاعدين و بيخططوا بالنسبة لهم كلهم , لكن فيهم اللي بيعمل كده فعلا , منتجين و مخرجين , و ده مش عن تآمر لكن عن ايديولوجيا اسمها الليبرالية المتطرفة او الحرية المطلقة , و محمد العدل قالها بصراحة مؤخرا , قال حتى لو الفيلم فيه مشهد جنسي مش هانحذفه
‫المنتج محمد العدل سنضحي بأرواحنا ولن نحذف اللقطات الجنسية من الأفلام ومحدش يقولي حرام‬‎ - YouTube
دي اسمها اشاعة للفاحشة , و باعترافاتهم :)))
اظن ده اعتراف و دليل كامل ان اللي باقوله موجود و كتير و حضرتك عارف حجم عيلة العدل , ده غير السبكي و غيرهم و غيرهم
انا ما ادعيتش ان الفن كله كده لكن مؤخرا بقى اغلبه ماشي في السكة دي و اللي مش فيها للأسف قلة
مع كل ده انا لا انكر وجود بعض الافكار المميزة بيتم طرحها , لكنها للأسف نادرة و بتتوه وسط صخب الاسفاف السائد ما بين افلام المقاولات الجديدة او المسماة بأفلام السرسجية , و بين افلام الايديولوجية , او الافلام ذات الافكار الجيدة فعلا و محشورة فيها الايديولوجية بالعافية
بما اني من عشاق القراءة في علم النفس , احب اقول لحضرتك انك اسلامي صرف مهما قلت انك تجردت من الايديولوجيا واكاد اجزم انك مهاجم لفكرة العلمانية واهتماماتك كلها ضد العلمانية والمدنية والليبرالية وتتفق تماما بدون ادني تفكير مع كل كاتب اسلامي او مقاله تهاجم اعدائك من العلمانيين والليبراليين , اسمحلي انت لست محايدا وكاتبك ايضا ليس محايدا ولا تطالبني ان اقتنع برأي شخص غير محايد او مقاله لشخص توجه اسلامي متشدد وتقلي ملكش دعوة بايدولوجيته ,طبعا انا مش بهاجمك لشخصك والله , بس الاشخاص اللي ليهم نفس التوجه بتاعك دارت بيني وبينهم مناقشات كتير فى الفيسبوك ومنتديات اخري ,احب اقول لحضرتك انك موجه تماما لفكرة رفض العلمانية والمدنية والليبرالية وتتابع بادمان اي مقاله او خبر يشبع كرهك لهم واي شئ توافق عليه العلمانية او المدنية او الليبرالية انت ضده طول الخط .
نصيحة لك اقري مقالات المعارضين لتوجهك ولا تبحث عن مقالات لتأيد وجهه نظرك فقط
انصحك بموقع الحوار المتدمن حتلاقي هناك كل التوجهات وكتاب رائعون .
مع اني مش اسلامي صرف , و هو شرف لا ادعيه للأسف :) , لكني فعلا اصنف نفسي كاسلامي مع حتة ليبرالية على حتة يسارية :)))))))
و انا فعلا مناهض او رافض لفكر العلمانية , و ان كنت مؤمن بالليبرالية لكن ليبرالية بسقف , اللي هو سقف الشريعة الاسلامية او الحلال و الحرام فعلا
انا مش مخبي اي حاجة من الحاجات دي و الله :C_laugh[1]:
سيبنا بقى خالص مني , و خلينا في الموضوع الاصلي
باختصار و بدون مواربة , انا شايف ان اللي محمد العدل بيتكلم فيه ده اشاعة للفاحشة , و تطرف في الليبرالية
حضرتك ممكن تختلف معايا و تتفق معاه او العكس او لا ده ولا ده
تقتنع او ما تقتنعش , دي حاجة بتاعتك :)
مش مهم تصنيفك لنفسك المهم رأي الاخرين فيك يعني انا مثلا لا اري فيك ليبرالي خالص ولا كمان يساري ,والدليل انك لازق في كلامك الشريعة الاسلامية طبقا لمفهومك طبعا والقائم علي وضع كل شئ عبر الشريعة الاسلامية حتي الفن والابداع واللي بتقيمه بناء علي الحلال والحرام مش بناء علي الرسالة اللي بيقدمها .
ثاني مفيش حاجة اسمها ليبرالية بسقف اول مره اشوف كوكتيل ليبرالي علي يساري علي اسلامي
نرجع بقي لموضوعنا واللي هو شايف انه لا ينفصل عنك انت شخصيا لان رأيك نابع لتوجهك المتعصب تجاه كل مهو مخالف للحلال والحرام من وجهه نظرك .
الليبرالية والحرية والعلمانية ليس لها سقف وتطرف زي التدين , يعني عمرك سمعت عن علماني متطرف , انما طبعا كلنا سمعنا عن متدين متطرف ,حضرتك واضح انك قاري غلط عن الليبرالية والحرية والعلمانية ولكن نحن الشرقيين قمنا باضافة النكهة الشرقية لهذه المفاهيم حتي تتناسب مع عادتنا وتقالدنا وعقيدتنا .
وطبعا قناعتي الشخصية لن يؤثر عليها سوي كلام علمي وتمعن فى الامور وليس بناء عن توجه مسبق وتطرف واضح تجاه طرف ضد طرف اخر لمجرد اني مؤيد لهذا ضد هذا .
في النهاية اكرر نصيحتي لك بالقراءة والاطلاع وكما نصحتك القي نظره علي موقع الحوار المتدمن واعطي نفسك فرصة لتعرف ما يقوله الاخر وليس ما يقال عن الاخر .
مبقاش فى اخلاق فى كل نواحى الحياة
فاكرين يوميات ونيس من الجزء الاول كانت بتعلم فينا ايه
ربنا يرحمنا
هههههههههههههههههه برده مصر تتكلم عني انااقتباس:
المشاركة الأصلية كتبت بواسطة zaki bashkha
عموما حضرتك بتقول اللي بيتكلم عن الشريعة يبقى لا له في لﻳﺐرالية ﻭلا يسارية و ان الليبرالية و العلمانية مالهمش سقف
و من هنا انا صنفتك بيني و بين نفسي برده بس انت حر :)
و اكيد مش هاتبقى معتبر فيه تطرف علماني او ليبرالي لاسباب تخص توجهك نفسه اللي انا ما عنديش اي نوايا للتأثير عليه و الله ههههههههه
ارجع اقول لك شكرا على نصيحتك اللي انا منفذها ﺑﺎﻟﻔﻌﻞ و عارف كويس باتكلم في ايه
و للقراء الحكم بقى :)
غابت الام و ضعفت شخصية الرجل
فغابت التربية
فحصلنا على جيل منحط الاخلاق
ولو اتعرض دلوقتى وده مستحيل تلاقى اللى بيتفرج يقوللك شيل القرف ده وهاتلنا حاجه عدله
ولا عموا فؤاد اهو ده بردو بقى قرف دلوقتى وكان بيتعرض فى رمضان اللى فات ده بردو كنت بحب اتفرج عليه وانا صغير ولما جه فى رمضان بقيت احاول اتابعه
قناه النهار بتعرض مسلسل البخيل وانا ........ انا اول مره اشوف المسلسل ده.... امبارح بقى كان فيه مشهد عجبنى اوى
الممثل "عبدالغنى ناصر" ساكن فى شقه فى عماره وفيه طلبه جامعيين فى الشقه اللى جنبه بيغنوا ويطبلوا بصوت عالى راح خارجلهم ويزعق فيهم من منطلق ان فيه حاجه اسمها حقوق الجار واحترام الغير والطلبه كانو شايفين انهم مابيعملوش حاجه غلط ياااااااااااااااااااااه مشهد ماشوفتوش فى الحقيقه من زماااااااااااااااااااااان
احنا مبقاش عندنا اخلاق فعلا بس احنا شعب متدين بطبعه!!!!!!!!!!
والله انا شخصيا بقى عندى نوع من الحنين للماضى.....اشوف افلام زمان ومسلسلات زمان منها حاجه محترمه مقارنه باللى احنا فيه دلوقتى وكمان علشان نتحصر اكتر واكتر على الوضع اللى احنا فيه
بدل ما نقعد نتحصر على الحاجات الحلوة بتاعة زمان ، لازم ودلوقتى قبل كمان شوية
نعمل جميعا على اعادة ضبط بوصلة المجتمع والا ولادنا هيعيشوا فى غابة وانحطاط واسفاف
للرسول - عليه الصلاةوالسلام - حديث شريف يقول فيه " انا الله يدع بالسلطان ما لايدع بالقران"
وبالتالى احنا كفئة من الناس عارفين سكة القيم منين لازم نمارس نشاط تنويرى للمجتمع وضاغط على الحكومات ومؤسسات الدولة المختلفة لاعادة الانضباط .
فمثلا فى جزئية اسفاف الاعلام والسينما نطلب تفعيل الرقابة على المصنفات زى زمان التى كانت تقص المشاهد المسفة واحيانا ترفض العمل ككل
وعندك كمان البلوة التى ابتلينا بيها من الدراما التركية كان نفسى اعمل وقفة احتجاجية لمنعها ومقاطعتها وعموما جت لوحدها بعد موقف تركيا من 30يونيو
... وهكذا
لازم الاتجاه المحافظ الذى يمثل 90% من المجتمع يبطل سلبية ويتحرك شوية بس فى اطار منظم بعيد عن التطرف او الغوغائية .
ان شاء الله الظروف تهدى ويحدث استقرار سياسى وامنى وربنا يكرمنا ونعمل العمل اليبيض وجهنا اما الله ثم امام اولادنا واحفادنا حينما نسأل لماذا لم تمنعوا هذا الاسفاف وتنصروا القيم والاخلاق
- خايف اقول الدين احسن فيه ناس بقى عندها حساسية منه وفاكرة ان كل اللى بيحب دينه يبقى متطرف للاسف
والله اعلم